ណែនាំអោយគូស្នេហ៍ប្រារព្ធពិធីហាន់នីមូនលើកទី២ប្រសិនបើស្នេហាងាយផុយស្រួយ
គូស្នេហ៍ដែលត្រូវការសំរួលជីវិតស្នេហារបស់ពួកគេអោយត្រឡប់មកមានជីវិតស្រស់បំព្រងឡើងម្តងទៀតនោះ គួរនាំគ្នាធ្វើដំណើរកំសាន្តសំរាកលំហែកាយឬក៏អាចហៅថាពិធីហាន់នីមូនលើកទី២ម្តងទៀត ព្រោះនឹងទទួលបានផលល្អគួរអោយចម្លែកបំផុតមិនគ្រាន់តែទៅលើចិត្តគំនិត បេះដូងនោះទេ សូម្បីតែវិញ្ញាណក៏បានល្អដូចគ្នា។
កាសែតប្រចាំថ្ងៃមួយឈ្មោះ ឌឹតេលេក្រាហ្វ ដ៏ល្បីល្បាញរបស់ចក្រភពអង់គ្លេសបានរាយការណ៍ថា ក្រុមអ្នកពិសោធន៍បានពោលថា វាជួយអោយបោះបង់ចោលនូវអារម្មណ៍សំពាធខាងផ្លូវចិត្តឬការងារធ្ងន់ ព្រួយបារម្ភតួនាទីដែលខុសត្រូវឬបើសរុបទៅនោះវាធ្វើអោយយើងបានលះដាច់ចេញពីវត្ថុដែលកាប់បំផ្លាញសេចក្តីស្នេហាដែលកើតមានមកពេញ១ឆ្នាំបាន។ ដែលលទ្ធផលនេះកើតមានក្នុងរយៈពេលបានឈប់សម្រាកលំហែកាយដោយភាគីនីមួយៗ អាចគិតដល់តែរឿងស្រៀវស្រើបបានពេញបន្ទុកតែម្តង។
ទាំងអស់នេះគឺជាចំណុចណែនាំរបស់ទីប្រឹក្សាបញ្ហាសង្គមគ្រួសារអាមេរិកាំងដោយភាគច្រើនគេបានណែនាំអោយទៅសម្រាកលំហែកាយរៀងរាល់ចុងសប្តាហ៍។
ការសម្រាកលំហែកាយចាត់ទុកថាជាការផ្លាស់ប្តូរមួយដ៏សក្តិសមបំផុតព្រោះគូស្នេហ៍ទាំង២នឹងបានជួបគ្នានៅក្នុងទីកន្លែងប្លែកៗថ្មីធ្វើអោយខួរក្បាលបញ្ចេញនូវសារជាតិទំនាក់ទំនងជាមួយសសៃប្រសាទដូប៉ាមីនអោយហូរចេញមកបង្កើតបានជាភ្លើងស្នេហ៍ពុះក្តៅគគុកបាន។
វាជួយអោយមានអារម្មណ៍ក្លាហាននិងហ៊ានសាកល្បងរបស់ថ្មីៗ ព្រមទាំងមានភាពភ្ញាក់ផ្អើលប្លែកៗ កើតឡើងព្រមជាមួយគ្នាផងដែរ។ អ្វីៗ គ្រប់យ៉ាងទាំងអស់ជាជួយផ្ចុងផ្តើមជីវិតធ្វើអោយភាគីម្នាក់ៗទទួលបាននូវអារម្មណ៍ស្រស់ស្រាយដាក់គ្នាកាន់តែខ្លាំងឡើងលើសពីនោះទៅទៀតមានអារម្មណ៍ថាសម្ព័ន្ធស្នេហាត្រូវបានរឹតចងយ៉ាងស្អិតរមួតផងដែរ៕