ផលអាក្រក់ពីការកើតទុក្ខកាត់បន្ថយអាយុកាន់តែខ្លី
ពួកអ្នកពិសោធន៍ជនជាតិអាមេរិកាំងបានរកឃើញថាមនុស្សឆាប់កើតអារម្មណ៍អផ្សុកឬឆាប់កើតទុក្ខនិងមានប្រព័ន្ធការពាររោគខុសប្រក្រតីធ្វើអោយមានតំរុយងាយឈឺថ្កាត់និងអាយុកាន់តែខ្លីចុះបាន។
លោកសាស្រ្តាចារ្យរងស្ទីហ្វកូលនៃមហាវិទ្យាល័យកាលីហ្វ័នីញ៉ាឡូសអែនជឺឡេសសហរដ្ឋអាមេរិកបានសិក្សាពីប្រព័ន្ធឬហ្សែនដើម្បីពិនិត្យមើលពីសញ្ញាប្រព័ន្ធឬដែលគេស្គាល់ថា DNA របស់បុគ្គលដែលបានបំបែកខ្លួនទៅរស់នៅក្នុងភាពឯកោតែម្នាក់ឯង។
លោកសាស្ត្រាចារ្យស្ទីហ្វពោលបញ្ជាក់ថាអ្វីដែលយើងបានរកឃើញនោះគឺការបំបែកខ្លួនចេញពីសង្គមបង្កអោយកើតផលប៉ះពាល់ទៅដល់ការងាររបស់ហ្សែនសម្ព័ន្ធភាពរបស់មនុស្សរវាងចំនួនមិត្តភក្តិនិងសមាជិកគ្រួសារដែលនៅជុំវិញកាយ។ សម្ព័ន្ធភាពជាមួយនឹងផលប៉ះពាល់ ផ្នែកកាយភាពមនុស្សដែលកើតរោគអផ្សុកច្រើនចូលចិត្តនៅឯកោម្នាក់ឯងមានសង្គមតូចនោះមានតំរុយអាយុរបស់គេខ្លីនិងងាយឆ្លងមេរោគទៀតផង។
ក្រៅពីនេះគេបានរកឃើញថាអាការៈបែបនេះអាចតភ្ជាប់ពាក់ព័ន្ធទៅដល់រោគបេះដូង សរសៃឈាមបេះដូង រលាកសន្លាក់ឆ្អឹង រោគអាល់ស៊ីមឺរ លើសឈាម ដេកមិនលក់និងរោគមហារីក៕